Beerliner German Bar & Restaurant (已結業)

提起德国餐厅，脑入面一定即时谂起Beerliner，可惜听就听得多，咁耐以黎一直未有机会试。 今晚朋友工作事务好烦心，就陪佢黎大杯酒大块肉放松下。睇餐牌选择真系好多，咁岩见Chef Combo ($438)有齐我地想食既秘制德国咸猪手同德式香肠 ，仲有两杯无酒精鸡尾酒，台台都有叫，一于就叫一客啦。落单冇耐就上菜，开头都担心会唔脆，但其实系台台都叫，货如轮转所以整定左好多都系岩岩出炉。 德国咸猪手份量十足，店员先俾我地影相打卡，之后就即席帮我地切开几份。咸猪手如想像般皮脆肉嫩，腌得好入味又嫩滑，𩠌酒一流。 几钟意配左几款酱，包括芥末酱同甜甜地既烧烤酱，食落冇咁腻。德式香肠包括自家制墨西哥辣椒芝士肠、自家制得奖冠军肉肠同香煎纽伦堡肠同，我最钟意墨西哥辣椒芝士肠，一切开就爆汁，食到辣辣地既芝心好惹味，薯蓉亦好香滑。Combo仲包左两杯无酒精鸡尾酒，Honeymoon味道清新、较重梳打味， Vitamin C虽然系沙冰但饮落似果汁沟乳酸，好岩女仔口味。好倾好坐，轻松度过一晚。