GELATO-GO

营业中

休息中

其实呢一个食评最想讲嘅就系， 我去帮衬𠮶一日嘅店员嘅态度。 𠮶个后生仔佢嘅态度我系好欣赏， 响我拣雪糕𠮶阵时佢唔好系咁催三催四， 而且佢有得畀我试咗四五款唔同嘅雪糕嘅味道， 一直都好有礼貌。 如果大家好似我咁样有选择困难症，其实不妨可以问下佢试食。另外一样嘢想讲嘅就系个份量其实都畀得多嘅， 至少许都系货真价实咁样大羹大羮咁放落去个杯度。 所以个价钱其实都系恰你嘅50蚊两个球。最后我哋系拣咗 yogurt， 同埋 cappuccino。 cappuccino有少少苦味， 但系佢个咖啡香亦都系非常之吸引， 所以我觉得系好好嘅选择。 至于乳酪 味道嘅雪糕 系非常之creamy， 一种好新鲜嘅乳酪嘅甜味， 同cappuccino好夹。