拉麵達人 (已結業)

和同事利完街就揾地方医肚，见到呢间极富日本风味既拉面店，由装修到食物都十分和风。食物方面都跟足日本做法。黑蒜达人($82)采用左黑蒜豚骨煮成既汤底，新鲜熬制既汤底十分浓郁，黑蒜发挥左好大既作用，令到汤底香味提升到更高既层次。黑蒜味不同杯面既味道，呢到既黑蒜味好浓同有一阵炭香味。日本叉烧好淋同软，唔同香港既叉烧肉仲系有D结实。整体黑蒜发挥左佢独有既味道令呢个拉面比其他既更吸引。W达人拉面($82)以鲣鱼配豚骨熬制而成既汤底，两种材料溶合得十分好。令到汤底层次感更加多。加上一块厚切火炙既烧。一边火炙另一边没有，火炙的一边有焦香，另一边即食到叉烧丰富既肉汁，十分新颍。此外餐厅十分体贴每位顾客不同口味，可以帮你选出不同面类，如觉得汤太稠亦可以取清汤加入面中。如果喜欢重口味既朋友，亦可以有蒜头无限供应加入面中加重味道。