Baan Phadthai (已結業)

好开心今晚我同老公系呢度试到正宗好味既Thai菜！点解我哋知道系正宗，因为我老公曾经系泰国做过几年野，所以一试就知真与假！以上系我地试食报告🔖：马拉盏炒通菜😍通菜鲜嫩翠绿，炒得非常惹味香口，够晒镬气，辣味同咸虾味恰到好处，非常棒！沙嗲鸡串😚鸡肉大件嫩滑，外脆内软，完全唔油腻，岩晒爱靓既女士食！而酱料系自家制，食得出系家乡既味道！烧猪颈肉炒金边粉😝成碟充满泰国风味！金边粉够晒爽口弹牙同烟韧，而且炒得好均匀，唔会一啲粉无味，一啲太咸，而猪颈肉腌得好入味好均匀，令人食到停唔到！青咖哩鸡☺️鸡肉滑嘟嘟不在话下，而青咖喱味道浓郁，够晒味，而且内里椰奶令青咖喱好滑好creamy，令成个鸡既味道同层次发挥到极致！