平成 (已結業)

尖沙咀多好西食就系人都知，但要揾到一间性价比高又坐得舒服既唔系咁易。今日就黎到「平成」，门口系用木风格，好有日本铺头feel入面同日本居酒屋好似，好似去左日本食野咁，疫情之下黎呢到当去左旅行都好！Menu图文并茂，睇见都食指中指无名指大动！选择都算多，唔怕有野唔岩食。黎到居「酒」屋紧系要饮返杯，呢到饮酒好有心机，将冰同酒分开，好似冰镇咁，唔怕冰溶左沟淡左杯sake变到好难饮。烧明太子：入面系塞满晒既明太子，无偷工减料，夹起身唔会散晒，但仲食到一粒粒无痴埋一旧，烧得岩岩好，味道亦不错！盐葱酱烧牛舌粒：牛舌唔会好硬，食落好爽，盐烧唔会好咸，亦无盖过牛味。烧野菌三重芝士蛋饼：极高质，蛋饼同芝士融为一体，煎到岩岩好唔会好水好易散。味道一流，好重芝士味，配上野菌有啲口感，正！温泉蛋黑松露牛肉稻庭乌冬：汤底甜甜地，好正，稻庭乌冬亦索到汤底甜味同牛肉味，极出色，最后连汤都饮埋！