彩aya

营业中

休息中

相比浓郁嘅猪骨汤, 我更喜爱奶白色口感幼滑嘅鸡白汤汤头。呢间拉面店嘅鸡白汤系用特别嘅高压技术制作出绝无添加味精嘅浓郁鸡白汤! 即使一路食面一路饮哂成碗汤面唔会口渴, 证明有几真材实料! 拉面方面得拣柚子味拉面, 但由于太受欢迎所以今晚卖哂, 得番小麦面! 厨师特登喺碗边提供胡椒味柚子酱, 补偿返想食柚子味道嘅食客, 又几细心wor☺️拉面面质十分弹牙而且挂汤。除咗招牌鸡白汤之外，呢度仲有一款特色拉面W双汤头(鸡白汤+樱花虾+鲣鱼汤) 配料除左有传统嘅豚肉之外, 仲有充满海鲜鲜味嘅日本广岛蚝同埋大蚬, 汤头亦有非常鲜甜浓郁嘅蚝味, 非常特别! 店员细心提醒炸牛蒡要趁热食同埋唔好浸落汤, 如果唔系就会失去左香脆嘅口感😶 虽然人多嘅时候等嘅时间长左少少, 但美食系值得等待嘅😌 下次挂住日本🇯🇵嘅拉面时, 不坊黎呢道重拾正宗嘅日式拉面🍜风味❤️