影片
更多
2022-11-20
43 浏览
兰桂坊俾人感觉系饮酒消遣嘅地方，但系因为地理位置上嘅优越，唔少高级餐厅都会选址呢度，今次嚟到兰桂坊商厦入面嘅T8食日本料理！T8提供正宗omakase同日式铁板餐，餐单会因应时令食材而调整，务求让客人食到最「出色」嘅味道！餐厅其中一边喺食omasake嘅bar枱位，另一边系食铁板餐，另设私隐度高嘅厢房！装修同一般师傅发板日系餐厅差唔多，但最有心思系用咗好多光影投射，而枱垫、部份食具用上金碧辉煌嘅金色，突显气派！服务一流，侍应主动带位、拉櫈、唔使提示就适时加水、换食具，上菜、收拾时都轻声细语交代！师父亦细心告知食材同菜式食法！真心抵赞！➺➺TEPPANYAKI DINNER SET$1380Appetizer | 前菜前菜两道：白子新鲜嫩滑，配果醋食，酸酸甜甜，相当开胃！矶烧鲍鱼一道分片切同粒切，两种唔同口感，但都好入味！Foie Gras, Seasonal Sauce | 鸭肝配季节酱汁平时铁板烧鹅肝食得多， 鸭肝比较少见，师傅控制火候刚好，外层充满焦香，内层入口即溶，充满油香而不腻！中下层用上苹果片同蝴蝶酥，亦有助消腻同增加口感！呢个配搭几新鲜！旁边仲有意大利黑醋、果酱、水果，亦有
T8提供正宗omakase同日式铁板餐，餐单会因应时令食材而调整，务求让客人食到最「出色」嘅味道！餐厅其中一边喺食omasake嘅bar枱位，另一边系食铁板餐，另设私隐度高嘅厢房！装修同一般师傅发板日系餐厅差唔多，但最有心思系用咗好多光影投射，而枱垫、部份食具用上金碧辉煌嘅金色，突显气派！服务一流，侍应主动带位、拉櫈、唔使提示就适时加水、换食具，上菜、收拾时都轻声细语交代！师父亦细心告知食材同菜式食法！真心抵赞！
➺➺TEPPANYAKI DINNER SET$1380
Appetizer | 前菜
前菜两道：白子新鲜嫩滑，配果醋食，酸酸甜甜，相当开胃！矶烧鲍鱼一道分片切同粒切，两种唔同口感，但都好入味！
Foie Gras, Seasonal Sauce | 鸭肝配季节酱汁
平时铁板烧鹅肝食得多， 鸭肝比较少见，师傅控制火候刚好，外层充满焦香，内层入口即溶，充满油香而不腻！中下层用上苹果片同蝴蝶酥，亦有助消腻同增加口感！呢个配搭几新鲜！旁边仲有意大利黑醋、果酱、水果，亦有消济嘅心思！
Prawn, Bearnaise Sauce | 虾配宾利士汁
师傅用两三下纯熟嘅「铲功」就去除咗大虾嘅外壳，令大虾锁住水份，爽滑弹牙！师傅亦善用每一道食材，用虾膏制成酱汁，咸香味非常浓厚！
Clam, Cod, Onion Soup | 大蚬银鳕鱼洋葱汤
用大量洋葱熬制成嘅汤，饮得到嘅都系啖啖清甜，再咬一口大蚬，都系十分鲜甜，胀卜卜嘅口感仲要好强烈！银鳕鱼皮香韧，肉纹清晰不松散！呢个汤绝对系我大爱！
USDA Beef steak or Roll |美国牛肉厚烧 或 薄烧
美国牛肉五成熟刚好，牛味浓郁，配wasabi 食味道唔错！/ 薄烧和牛都系五成熟，口感软软腍，入面卷有牛膀同渍昆布，一啖咬晒几种材料已好够味，唔洗沾醮提供嘅调味料！
Fried Rice | 炒饭
炒饭粒粒分明，好干身，唔油腻！仲有炒芽菜、豆苗、红萝卜丝，都几丰富！
Soup,Pickles | 汤、渍物
鲷鱼汤呈奶白色，鲜甜不腥，杰杰哋，师傅话用大量鲷鱼先熬成4、5碗，全是精华，饮过嘅客人无一不赞！
Dessert |甜品
好头好尾，赤肉密瓜同提子甜到加咗糖水咁，全口满是果汁，加上冰凉感，感觉甜滋滋，为一餐划上圆满句号！
**另设加一
张贴
