和拉麵

营业中

休息中

今日又黎到大埔开工，行到运头街个边，见到有条小巷林立著唔少既食店。 见到有间拉面出面有好多人排紧队，充满好奇心既我一于决定去试。 一入到去就觉得好有日本风味，仲见到两位师父努力整紧拉面。佢地仲著住印有'和'字既衫系度煮面，劲有spirit。佢有3款口味:豚骨拉面，豚骨辛辣拉面同埋豚骨味僧拉面。 另外，仲有香滑或者特浓汤底选择。不过无论系香滑或者特浓，熬制既时间超过十小时，而且不含任何添加剂，非常健康有益。我睇完个menu介绍之后就决定要左个豚骨味噌拉面(HKD80)，面要香软(个人不太喜好硬既面)。另外，再加左个厚烧芝士玉子 (HKD28)。先黎既系个小食，玉子非常厚，上面有热溶左既芝士，令到成个玉子更加香滑。最上面个层仲有木鱼，令到个口感更加丰富。跟住黎既就系个拉面。卖相一流，汤底非常香浓但毫不油腻。叉烧肉质非常嫩，加埋只糖心蛋，100分呀。店员有建议我地尝试佢地既辣芽菜(免费)，一试之下爽口惹味，同拉面好配搭呀。