金田家 (已結業)

今日同宝贝女去荃湾行街， 个女话好挂住日本嘅拉面,见到来自九州第一拉面店金田家，忍唔住话要入去食返日本的味道。揭一揭呢度嘅餐牌，哗都几多选择。 饭同面同小食都有好多款，选择多过系日本食。竟然仲有餐前小食，有三款渍物。浓豚骨拉面78蚊，好大碗， 面质软硬度可以自行选择。有四大块叉烧，仲有木耳， 汤底浓郁而不咸不腻，日本感觉返哂黎。怕唔够𩠌食，仲可以追加配料。糖心蛋14蚊一只，木耳同粟米最抵食，只系需要加七蚊。饭方面，叉烧豚肉饭喺日本经常见，鳗鱼饭就比较少见。所以我今晚点左鳗鱼饭试试。鳗鱼烧得香软甜甜，配埋渍萝卜，送饭一流。仲有日本经常饮到嘅可尔必斯梳打，正呀！