金田家

营业中

休息中

今日一早早餐都未食就要扑出门, 终于有时间食lunch， 又要快又要食得饱，行过金田家见到佢地个餐牌⋯⋯拉面都唔错㖞，一于快快食。我好少食拉面，但原来呢度可以因应唔同客人需要拣选面既硬度，有超硬，硬，普通同软，连多葱少葱都可以拣，最后我叫咗碗辛子黑蒜拉面，面要软身同加葱，再加多份饺子同苹果汁，应该够食。饺子到，饺子个底煎得脆脆，皮唔厚而包有满满既猪肉同菜馅，一咬渗出肉汁，好味。而个黑蒜拉面，咪睇个汤底黑妈妈，又好似好油，其实入口一D都唔油，而汤以猪骨加入黑蒜煮成，非常吸引，而最后我系饮晒个汤，初时我以为辛子系有辣味，但原来唔辣架，都系既如果有咪会抢咗黑蒜既味，而面质正合我意，日式叉烧肥廋均匀，之前我选多葱，最后系比咗一大碗葱我，我第一时间落咗一大半系面度，大满足，啖啖面都沾满葱粒，正。食饱饱又要继续行程。