黑木 (已結業)

约咗几位朋友一齐食好野，于是朋友介绍我黎食依间位于尖沙咀金巴利街既日式居酒屋🏮由于我地好早食晚餐，佢好快就比咗位我地。我地三个女仔，本身想一人叫一个set 食，但餐厅既人都好好礼貌，佢同我解释其实一个set份量都几多，三个女仔食会好饱，所以最好就系叫两个餐三个女仔share食 。咁我哋就跟佢意思啦，一开始因为啲串烧系逐碟逐碟上嘅，所以我哋都惊紧会唔会唔够食。但系后尾发现原来真系有好多唔同种类嘅烧物。前菜有 海胆 都好新鲜 仲有青瓜之后有海鲜，好多唔同既烧物。包括有白鳝 非常好食😋、鸡肾烟un得来又有啲爽口、牛舌、鸡比菇、白菌、鸡颈肉。 烧蕃薯好特别、猪手，温泉蛋，肉同埋韭菜串烧。我最钟意系食𠮶只温泉蛋，马油，鱿鱼仲有饭团！下面有好多张相～最后我哋每个人都食到好饱好饱！ 而且食物嘅质素真系几唔错😋😋非常之推荐。仲有餐厅嘅环境都几正，同埋好舒适。