上海一品香菜館

营业中

休息中

小笼包一下有八粒，咬开都有汤，不过就唔会爆汁，唔使惊弹到周围都系同埋太热会渌亲。上海锅贴一客四件，个底唔会煎到㶶晒，饺皮又唔算好厚，食落都唔错。酸辣汤叫咗一锅，酸味同辣味都几均匀，入面有肉丝、木耳丝、猪红丝、豆腐丝同埋笋丝，真系好开心食到以前细个成日食𠮶啲上海舖嘅味道，依家真系买少见少。今次冇食上海粗炒，反而叫咗个上海炒年糕，呢个觉得相对比较一般，如果咁样炒法应该上海粗炒好食啲，如果食炒年糕应该叫三丝炒年糕或者荠菜炒年糕𠮶啲汁酱比较淡味嘅会好食啲。呢度嘅豆浆系一支支嘅，味道都唔错。