肉骨皇 (已結業)

大坑美食多，今次就揾咗一间马来西亚菜试吓佢嘅肉骨茶，间舖头系沅纱街尾，唔系好起眼。老板娘好热情咁推介佢哋嘅肉骨茶，本身想食干肉骨茶，但佢话近期湿气重，饮啖汤会好啲，所以叫咗个细份肉骨茶，仲叫咗个‘辣死你妈’怕唔够饱肉骨茶有分星加坡同马拉派别，星加坡就浅色一D，胡椒味比较重，呢套就系马来西亚版本，深色一啲同埋药材味比较重。肉骨茶好重肉味，加埋D支竹、豆卜一齐饮非常暖身，椰浆饭过椰子味好浓。两款都好有马来西亚嘅风味。临走𠮶阵，老板娘话干肉骨茶等返下次有晚市嘅时候，𩠌下啤酒咁先正。