水門雞飯 (蟾宮大廈)

营业中

休息中

水门鸡髀饭味道同我喺泰国曼谷食𠮶啲好似，啲鸡好嫩好滑，而且唔算好多骨，加上鸡肉唔鞋，所以口感好好。啲鸡油饭好香鸡油味，唔洗点酱汁都够味。胡椒猪什粉超级香嘅胡椒味，汤底唔咸，所以胡椒味好出。炸过嘅猪油渣好香口，浸落汤，外软内脆咁食好过瘾，仲有猪膶，好爽。串烧嗌咗鸡同牛。烧得好脆，同埋调味料都好香，肉都唔鞋。泰式腩仔超！级！脆！但又锁到肉汁。再点埋特制酱，非常惹味。饮品食泰国嘢点少得泰奶！好滑嘅泰奶味，好甜，同泰国嘢真系好夹！另外仲嗌咗柑桔蜜解渴。