影片
更多
2017-09-13
430 浏览
朋友介绍新泰国菜，我哋一班朋友一吹鸡就一呼百应去试新嘢。泰灜位于吴松街(澳牛后面)，交通方便，地铁裕华出口过对面马路行几分钟就到，宝灵街出口又得。我一向冇习惯睇门面，但系佢个招牌真系好型格好靓，好钟意佢只大辣椒。饮品我要泰菜铁胆Lime Soda，足够嘅lime juice直接mix咗入soda度，够味。朋友叫龙眼冰就有少少徧甜。推介一杯特饮--“Narin”，系店长自创以自己命名嘅秘制鸡尾酒，内有泰国威士忌，香茅......等香草，唔饮得都可以试吓，清爽带点麦香。香港食泰国菜必叫泰式生虾，虾大只新鲜，连蒜片加红辣椒点上特制酱汁，食得辣嘅你要试啊! 少有上埋炸虾头，不过虾头冻嘅，唔系即炸即上，有点可惜。泰式金柚沙律，有大虾，金柚，蕃茄，腰果，香葱等等材料，酸酸甜甜，开胃无辣之选，如果沙律菜多几块更好。阿女唔太喜泰菜，但系都话个炸虾饼好正，够弹牙有虾味。本人诚意推介大家一定要食炒通菜，平时我唔太喜欢食通菜，呢度嘅炒通菜食到我唔停得口，正呀! (温馨提示: 唔食辣记得要开声走辣㖞)传统泰式咖喱炒蟹，味道徧甜，泰国人店长话系佢哋正宗家乡泰国口味，我绝对接受到觉得好食。酱汁较为浓绸，阿女话太少
泰灜位于吴松街(澳牛后面)，交通方便，地铁裕华出口过对面马路行几分钟就到，宝灵街出口又得。我一向冇习惯睇门面，但系佢个招牌真系好型格好靓，好钟意佢只大辣椒。
Lime soda
$28
13 浏览
0 赞好
0 留言
饮品我要泰菜铁胆Lime Soda，足够嘅lime juice直接mix咗入soda度，够味。朋友叫龙眼冰就有少少徧甜。推介一杯特饮--“Narin”，系店长自创以自己命名嘅秘制鸡尾酒，内有泰国威士忌，香茅......等香草，唔饮得都可以试吓，清爽带点麦香。
生虾刺身
$68
22 浏览
0 赞好
0 留言
香港食泰国菜必叫泰式生虾，虾大只新鲜，连蒜片加红辣椒点上特制酱汁，食得辣嘅你要试啊! 少有上埋炸虾头，不过虾头冻嘅，唔系即炸即上，有点可惜。
金柚大虾沙律
$68
26 浏览
0 赞好
0 留言
泰式金柚沙律，有大虾，金柚，蕃茄，腰果，香葱等等材料，酸酸甜甜，开胃无辣之选，如果沙律菜多几块更好。
炸虾饼
$78
15 浏览
0 赞好
0 留言
阿女唔太喜泰菜，但系都话个炸虾饼好正，够弹牙有虾味。
泰式炒通菜
$78
17 浏览
0 赞好
0 留言
本人诚意推介大家一定要食炒通菜，平时我唔太喜欢食通菜，呢度嘅炒通菜食到我唔停得口，正呀! (温馨提示: 唔食辣记得要开声走辣㖞)
传统咖喱炒蟹
$398
21 浏览
0 赞好
0 留言
传统泰式咖喱炒蟹，味道徧甜，泰国人店长话系佢哋正宗家乡泰国口味，我绝对接受到觉得好食。酱汁较为浓绸，阿女话太少唔够捞饭点蒜蓉包㖞😅。
传统咖喱炒虎虾
$3
22 浏览
0 赞好
0 留言
Well, 人多去食好处系可以叫多啲，有朋友唔食得蟹但系又想食个汁，叫多个咖喱炒虎虾啰。炒虾感觉汁多啲，捞饭一流。
蒜蓉包
$48
20 浏览
0 赞好
0 留言
一般市面店舖蒜蓉包都用法包或手指包，呢度用有皮方包，又长咗知识嘅另一种泰国家乡做法。焗得香脆，蒜蓉味再浓郁啲就更好味，食咖喱嘅最佳拍档。
盐焗鲜鱼
$178
16 浏览
0 赞好
0 留言
我觉得食鱼要食最简单嘅做法同调味先食得出厨师功架，所以叫咗盐焗鲜鱼，鱼肉嫩滑多汁，建议先净食试吓淡淡鱼香，再加几粒鱼皮上嘅盐一齐食，立即感受到咩叫画龙点睛，味道倍数提升。
黑椒粉丝大虾煲
$288
90 浏览
0 赞好
0 留言
我发现呢间泰灜最令我刮目相看嘅系，好多我平时唔太喜欢嘅食物，喺呢度我都食到不能自已。从呢个粉丝煲我可以放弃我最爱嘅大虾，转而主攻我唔好嘅粉丝可见一斑; 呢度嘅泰国师傅真系不得了。
火焰烧春鸡
$188
40 浏览
0 赞好
0 留言
爱呃like嘅你，又点少得呢只火焰烧春鸡呢?! 有睇我上次去某间中菜嘅食评就知有啲菜馆栋直只鸡=纯粹呃like，系一个冇意义嘅动作。呢度架起只鸡，应该因为要用酒点火后淋上鸡度烧一烧，但又唔想多出嘅酒浸焾咗鸡皮吧?! 所以皮脆肉嫩嘅鸡食嘅时候多咗一份酒香。据闻之前只限手撕，而家已经可以要求厨房代为斩件，不过斩得好大旧。人多嘅记得叫佢斩细件啲，否则大大块上㗎。 只鸡真系热辣辣㗎，嫩手嘅各位勿试手撕。
芒果糯米饭蛋糕(必需预订)
$1
423 浏览
0 赞好
1 留言
最后介绍埋呢个另一影相必备菜式--泰国经典甜品芒果糯米饭蛋糕(只接受预订)。如果有朋友生日又食芒果糯米饭，又点少得佢呢? (本人唔食芒果，但睇见一枱朋友食饱饱之后都将佢清碟，味道更系精彩啦，果然女人系有另一个胃装甜品㗎!)
总括而言，呢间打住“正宗”嘅新泰菜店有好多惊喜，如果可以约一大班人去一次过试多几款就最好，否则三两知己就要去多几次先可以试匀所有好菜喇!
张贴
