水門雞飯 (萬勤商業大廈)

营业中

休息中

今日经过呢间水门海南鸡饭店， 系比佢既门面吸引左先，因为贴满左人气既报纸报道同有唔少泰国元素既饰物，见到入面都坐无虚席，应该都有唔少捧埸客， 所以决定一试。店内泰国气氛非常浓烈，因为播住泰国既音乐 ， 加上店员有８成都系泰国人，令你仿如置身系泰国一样， 正。我今次就点左最经典既海南鸡饭餐(HKD54),用QR Code 落单后好快就有得食，一碟香喷喷既海南鸡饭连一碗清汤就送到我前面，首先鸡肉份量有５件， 都唔算少，肉质相信嫩滑有鸡味，应该系用新鲜鸡，加分，另外重有一碟甜辣椒豉油，唔算好辣， 甜味较重，怕辣既朋友都可以一试， 佢令鸡肉既鲜味带到另一个层次，大推。而个饭系油饭， 本身吸收左鸡既精华， 有微微既鸡油香味， 单食饭都已经够做， 加埋件鸡就系双重既享受。个汤我初头以为平平无奇， 点知， 好有惊喜，系有淡淡既胡椒味，好清，不禁令我一啖一啖咁接住饮，当然最后系饮晒。呢间已经荣升我心目中数一数二既头三位海南鸡饭既宝座。