Nafafa Thai Cuisine & Lounge (已結業)

同朋友今日去咗间装修得好grand嘅泰国餐厅。餐前小食，上面系肉碎下面系菠萝，整得好精致，食落肉碎拼菠萝嘅味道好match,酸酸甜甜果然好开胃。秘制脆炸虾，炸皮唔算厚，炸到外皮脆卜卜，入面虾肉好爽口弹牙牛肉青咖哩，个咖哩唔算辣，有埋椰汁，可以中和辣度，个咖哩个味道非常好，入面d牛肉份量都算多，牛肉嘅肉质好嫩，爽埋咖哩一齐食，劲夹。食咖哩唔少得烤饼，烤到外面脆脆地，点埋d咖哩食一流。马拉盏炒杂菜，个马拉盏味道好香，远黎都闻到，要黎炒杂菜非常惹味。大虾炒金边粉，个金边粉炒得好干身，食落烟烟韧韧，味道酸酸地几开胃，而大虾都几大只同埋好爽口。蟹肉蛋炒饭，蟹肉都几多，蟹肉都几鲜甜,中间只炸蛋系流心，d蛋汁捞埋落d饭果度，好好味。