Thai-ger (已搬遷) 新店位置

今日同同事A一齐出去见客，见客前快食个 Lunch ，同事觉得近排无咩胃口，于是我就建议下不如食泰菜，够香口惹味，相信胃口应该可以增添不少的。我就拣左碟「去骨海南鸡饭」，识拣一定拣油饭，去骨海南实在无拣错，鸡味非常香浓，肉质幼嫩细滑，连皮食就最岩不过，再配埋自家秘制辣椒酱，真系锦上添花。同事拣左。「冬荫公肥牛车仔汤粉」配金边粉，小店特意用虾头先煎一煎再煮，然后打成浓汤，所以汤底味道更浓郁，再加上泰式辣椒膏和各式蔬菜煮成既汤底，食到我同事咀郁郁咁，胃口立即大增，随即再叫添加左一碟炸鱼皮，因为佢话个冬荫公汤底实在丸正，唔想浪费左。最后同事A 仲全部清晒，一滴不漏咁。