阿四快餐

营业中

休息中

入到去见到d枱凳都充满旧式快餐店既味道，排队比钱后就比左个牌，返去坐低等职员送餐黎。叫左一个正宗海南鸡饭同咖哩牛腩饭。🔴正宗海南鸡饭个名叫正宗海南鸡饭，但一d都唔正宗。首先只有豉油同姜葱酱，少左个酸辣酱。其次系正宗既海南鸡应该系去左骨，但呢到既鸡系有骨。加上呢到既鸡食落好油腻，好肥好多脂肪，无海南鸡既清新。食落既味道有d咸，感觉似食梗白切鸡饭。仲有配菜系菜心，而唔系平时海南鸡饭配既青瓜萝卜。味道系ok既，但你话佢系叫海南鸡饭，就完全唔系个回事。🔴咖哩牛腩饭热辣辣用煲仔上，咖哩好香椰汁味，食落辣度岩岩好，牛腩都唔错，但比较少，反而有两大旧牛筋，牛筋个人觉得切切佢，整返细旧d会方便进食d。加上个份量牛腩应该多返d，牛筋唔洗咁多。