阿四快餐

营业中

休息中

夜媽媽喺isquare睇完戲落到樓，隔離嗰個話肚餓想食野，諗住喺樂道求其搵間野食就好了，經過呢間叫阿四既快餐店，隔離嗰個又話好想入去回味下，佢話會諗起細時讀書既快樂回憶，啲咖哩好好食架。入到餐廳果然係舊時既感覺，對於好似係初次入呢類餐廳既我覺得好新奇又好懷舊，好似係睇舊式港產片見過既畫面咁。侍應叔叔聲大大但其實都幾友善嗰種，見我行到入去一舊雲咁就指引一個位置俾我地坐 (當時店內接近90%滿)，如果佢唔指引我，可能我又會自轉幾個圈阻頭阻勢然後俾人鬧 XD我自己就叫咗個咖哩牛腩飯，仲跟咗碗羅宋湯同飲品，份量非常大，咖喱係辣口嗰種，惹味~ 可惜碗湯對我黎講太濃味了，可能因為已經滾咗全日到咗尾水，六十幾蚊既餐，在尖沙咀，絕對係抵食夾大件既。

用餐日期：2023/12/07用餐時段：午餐用餐費用(每人）：$56餐廳環境：室內不少座位 冷氣足 檯與檯之間較近 人多時可能要搭檯 服務：服務員服務態度正常 點菜出菜都快味道：點了楊洲炒飯+滑蛋牛肉飯 送湯+熱飲1-楊洲炒飯：份量足 飯和配料炒得鑊氣十足夠熱夠香 飯不硬也不油 推薦2-滑蛋牛肉飯：份量足 有很多牛肉 蛋和牛肉很潤滑 牛肉味足 牛肉好味 湯汁內也有很香蒜蔥味 整個味道超好 推薦3-湯：選了中湯 湯中有幾種蘿蔔 湯不油不咸味道好 推薦4-飲品：選了熱檸水 味道正常總結：這家在尖湯咀區已很多年 就在isquare 旁邊的街道上 每次去尖沙咀趕時間的都會食這家 這家室內有不少座位 野食不算最平 但味道好 出菜快 午餐包湯+熱飲 是值得推薦的快餐店 這家中午時段多數很多人較難有位 如唔想等或像我怕人多的可外賣去附近九龍公園慢慢輕鬆進食

今日去九龍公園行個早運，之前搵個早餐食飽飽先。行過九x餐廳滿曬又排隊，旁邊一兩家都貴，咁就選中哩間平平地老老地餐廳。裝修就系老餅茶餐廳，雖然個個夥計都上年紀，但好在個個夥計都幾好禮貌，入去比個餐牌叫你慢慢睇，睇完至出去買飛，坐低等攞來。等左一兩分鐘就有，幾大份量，食完真系飽曬。豬扒米線($40)餐-豬扒系帶骨，都幾厚幾大塊，系炸得油D,味道OK。- 雪菜吾會死鹹。- 炒蛋系傳統吾系滑蛋，味道OK-檸檬茶正常系尖沙咀有咁份量同味道，算OK啦！

尖沙咀工作，所以呢間係屬於自己午餐餐廳之一。星洲炒米、炒貴刁都不錯，算有少少鍋氣，大排檔感覺。我自己常吃的是他家的咖哩：咖哩雞扒、咖哩豬扒都很好吃，就係怕變肥，所以唔敢餐餐吃。午餐一般都包湯和餐茶，我喜歡他家的羅宋湯，酸度剛剛好，但偶然會有一次半次失準，唔知是否偶然師傅休息，第二個人煮。整體餐廳似室內大排檔，樣樣食物都能滿足食客，有炒的、焗的，蓋澆的，而且味道長期可以保持，呢個最欣賞。唔滿意的係衛生，長期有一兩隻大蒼蠅飛來飛去，真係唔明老闆點可以忍到而唔買殺蠅設備，千萬唔好去洗手間，去時經過廚房後，怕有心理陰影。

大前日(14-10-2023 Sat)同老公喺女友人WK食完生日蛋糕後走人,為嘅係去尖沙咀文化中心睇話劇,我哋要睇之前食個晚飯,我就帶老公嚟呢間食,我哋嚟到時未多人,坐低睇完menu就出去買飛,之後就等佢哋嗌no.送嚟.我就要咗兩個同樣$56.00,6:00pm過後要加$3.00嘅午餐.冇耐,老公嘅餐肉蛋飯,要西湯同熱奶茶到嚟,西湯係羅宋湯,餐肉蛋飯有三隻蛋咁多,佢先食餐肉蛋飯,話好好味,豉油唔鹹,煎蛋係半生熟,將蛋汁撈落白飯好好味,白飯又夠軟唔硬.味道:5分羅宋湯呢?佢一飲又係讚好味道,蔬菜充足,我都飲啖,係好味,酸辣度啱啱好,又夠味.味道:5分熱奶茶呢?老公話得,我又試吓,拎到嚟我嗅到奶茶嘅香味,飲落茶味係有但甜,老公話佢落咗2/3包糖,吓?!咁多?唔怪得.味道:4分我嘅菠蘿雞粒炒飯,要中湯同飲熱檸水好耐至到,無他,因為要即炒嘛.菠蘿雞粒炒飯比較遜色,冇乜鑊氣,雞粒好油,菠蘿正常嘅酸甜.味道:2.5分中湯係紅蘿蔔豬骨湯,睇顏色好濃郁,但飲落唔係話唔好飲,只係又比羅宋湯遜色.味道:3分熱檸水就正常冇問題.味道:3分衛生:我哋坐入面嘅卡位,被我見到有細隻嘅甲甴.價錢:竟然冇加我哋$3.

呢期總有機會到尖沙咀，早晨食開阿四就繼續，點解？講真尖咀食到唔知食咩好！選擇阿四：通粉🥣底夠熱👍🏻奄列好少有沙爹牛肉，味道都箅唔錯，阿四辣椒醬都做🉐️好野味👍🏻茶味都算合格，自己不用取餐，有人送過嚟👍🏻👍🏻👍🏻

行行下好肚餓，見到阿四就行入去，其實之前都食過幾次，每次都係嗌吉列雞扒湯烏冬，我諗個到啲侍應都認得我，但今日有個不愉快經歷，當我嗌完野食後，有個阿姐突然好大聲係我後面嗌喂 睇住啦，然後好大力將我個餐抌落枱面，黑口黑面冇禮貌，唔知得罪你啲咩？大佬 我係黎俾錢食野，去完廁所見到廚房同樓面個個唔帶口罩同手套，大家分析下今日真係食到一肚氣，唔會係有下一次，食個野都要受氣😅

呢期愛上左阿四，由雜扒飯開始：有日特然好想食雜扒飯，叫同事買左2日不同的餐廳都係唔好食，第三日我申請請大家食阿四試下，以前阿四咖喱真係好食，但可能轉左廚師，E家咖喱真係麻麻，過為蒜茸汁，外賣亦可以多汁仲汁分開另上👍，就係汁已經可以伴飯，不用雜扒🤣，羅宋湯都做得唔錯，夠濃，檸檬茶茶味差少少，咖啡不合格，E家好多同事都會去食早餐，講真咁多年都無食過阿四早餐，一食之下👍👍早餐湯底熱到出煙，好少會餐廳能做到，我都去咗好幾次，加油👏

今日整頭髮嘅時候太肚餓叫咗個外賣，髮型師就推介我食呢間餐廳，我就叫咗乾炒黑椒牛柳絲公仔麵。當我打開外賣盒，飄出一陣香氣，勾起咗我嘅胃口，都有可能因為我太肚餓。第一口入口，就感覺到黑椒味道好濃，有啲掩蓋咗其他味道，但整體嚟講口味幾重，都幾惹味。牛柳絲都炒得好嫩，同埋好入味，不過某部份嘅筋位太多，有啲微微咬勁。另外，炒公仔麵嘅質地都好啱，唔會太淋or太硬，有啲彈牙嘅感覺，好好食。除咗味道好之外，送餐速度都好快，真係好方便呀！外賣員將食物送到我嘅手上時，食物仍然熱騰騰，而且包裝都好整齊，沒有任何漏油或者漏汁現象。總括而言，呢道菜式算係一個唔錯嘅選擇。如果你鍾意味道重口味嘅麵食，同埋可以送上門嘅外賣，呢個都係一個選擇。

又到星期日，睇早場，支持港產電影同古先生---明日戰記10:20a.m.，入場前先吃個早餐。Walk in 樂道阿四快餐，先在收銀處點餐和付款，然後入座 (free seating)，稍等一會，店員會送上早餐。是日早餐，點了以下的：#雞扒早餐：吉列雞扒、腸仔、煎蛋、牛油餐包，吉列雞扒即炸，熱騰騰；煎蛋是流心的；餐包烘過，外面微脆，塗上牛油，好吃；腸仔無功無過；整份早餐夠熱，我滿意！(吃過太多連鎖餐廳/快餐店的早餐，多士、煎蛋都是放涼了，多士受潮已經不脆，凍的煎蛋一點卻不好吃！)#熱鴛鴦：紅茶、咖啡、淡奶的比例，對我的口味，喜歡！

而家香港越來越少呢種港式家庭式快餐店，通常只會係舊式屋邨商場搵到。今晚竟然係尖沙咀鬧市，isquare隔壁就有一間。叫左佢既黑椒牛扒鐵板配意粉，跟羅宋湯。呢種鐵板餐係唔少茶餐廳都仲有，黎呢度食既特色係食埋佢個環境：。餐廳既裝修仲保留住八九十年代港式快餐點既特色，色彩鮮豔，果種鑲係個地無椅背既硬膠彩色櫈（有返咁上下年紀會知我講緊咩😂）大大個餐牌係牆度，員工睇落都係仲在好耐既熟手伯伯⋯無錯我係黎懷緬童年既。講返食物，個羅宋湯番茄味同辣味配合得好好，薄牛扒配「咋」一聲既洋蔥汁，唔輸其他茶餐廳。我坐係收銀姐姐傍邊，短短一個鐘已經有兩個人叫左漢堡扒煎蛋飯，但睇勻個餐牌都唔見有，唔通呢度有隱藏菜色？下次試下先😋

入到去見到d枱凳都充滿舊式快餐店既味道，排隊比錢後就比左個牌，返去坐低等職員送餐黎。叫左一個正宗海南雞飯同咖哩牛腩飯。🔴正宗海南雞飯個名叫正宗海南雞飯，但一d都唔正宗。首先只有豉油同薑葱醬，少左個酸辣醬。其次係正宗既海南雞應該係去左骨，但呢到既雞係有骨。加上呢到既雞食落好油膩，好肥好多脂肪，無海南雞既清新。食落既味道有d咸，感覺似食梗白切雞飯。仲有配菜係菜心，而唔係平時海南雞飯配既青瓜蘿蔔。味道係ok既，但你話佢係叫海南雞飯，就完全唔係個回事。🔴咖哩牛腩飯熱辣辣用煲仔上，咖哩好香椰汁味，食落辣度岩岩好，牛腩都唔錯，但比較少，反而有兩大舊牛筋，牛筋個人覺得切切佢，整返細舊d會方便進食d。加上個份量牛腩應該多返d，牛筋唔洗咁多。

今天5時已起了床，相约朋友去天后蓮花宫睇相，因7時開始排隊取籌，我同朋友都取到了，距離師博睇相都有一段時間，我們去麥當勞吃早餐，個豬柳蛋紐紐粉，味道不錯，粉少了一點，薯餅脆，等到12時，到我和朋友睇相，睇完相，落了銅鑼灣雲桂香吃米線午餐，平時少去這間，有驚喜，湯底鮮甜，行了一會銅鑼灣，朋友想出尖沙咀行，之後落了尖沙咀行，行到晚上7時，我同朋友選那兒吃晚餐，行下看下，就選了這間，因價錢便宜些，我選了干炒三絲烏冬，烏冬炒得乾爽同彈牙，叉燒絲同肉絲很有肉汁香同滑身，分量大碟

現在吃個早餐，通常都要三十多元，尖沙咀的這間快餐，竟然還有二十多元的早餐供應，還有五款選擇，不過請注意，價錢不包括飲品，要飲品的話，冷熱飲品也要加$2，即使如此，我也覺得價錢很親民，因為很多地方吃早餐配凍飲的話，是要加$3的。不要以為價錢親民，質素就一定欠佳，那天我們點了兩個早餐，一個是餐蛋治，另一個是沙嗲牛肉煎蛋公仔麵，都好吃。餐蛋治質素不錯，麵包烘得香脆（烘底加$1），雞蛋很滑，就是午餐肉比較細塊一點，但這價錢來說已經不俗。沙嗲牛肉煎蛋公仔麵更有驚喜，湯頭的沙嗲味不錯，牛肉很多，雖不算鮮味，但起碼不是被鬆肉粉醃得死死實實的那種，蛋煎得嫩滑，不過配上雪菜反而有點奇怪。至於飲品就不太好喝，熱咖啡尚可，凍檸檬水就不好喝，因為雖然把檸檬戳了很多下，但那檸檬水仍然是沒有檸檬味的，最後只喝了兩口就沒有在喝了。

昨天同朋友到尖沙咀阿四食午餐🤩👻現在都是不用等位 ， 我通常都會要炒野夠晒鑊氣這一次叫了乾炒牛河豬扒河粉炒得也很出色 又送大大碗中湯 😎男士來說份量也夠飽😁 奶茶也在水準之內 所以算是很不錯的平民食堂 💪🏻💪🏻😊