香港仔魚市場二合海鮮餐廳 (已結業)

同事带我哋去食好嘢。只开到下午四点，所以中午去食完就入海洋公园玩最好。哩度就系最地道嘅港式海鲜。如果你想要好靓嘅环境，好好嘅装修，唔好意思啦，哩度真系无。坐喺你附近好多都系鱼市场过嚟食饭嘅行家，豪气粗人。如果你唔得哩D风格，咁都系去返酒楼啦。但系野食真系无得弹，我哋人均400蚊，份量超多超够，味道又好！无入镜嘅仲有炒面青菜，绝对够食。招牌鱼汤超浓超甜，十几种鱼煲埋一齐真系唔讲得笑。椒盐鲍鱼，肉厚味香肉蟹绝对名副其实，好好肉，又好味D虾系爆膏㗎！蒸鱼够鲜味圣旨好厚肉哩个蚬好紧要，同平时出面食得D壳完全唔同，哩度几乎只只都有肉！虽然唔系咩贵价蚬，但系胜在够鲜甜又好肉！哩个系惊喜！西多士真系几好食，仲食得落嘅话，记得要点。