常得館湖南米線

营业中

休息中

元朗区真系美食天堂，放工后超级想食米线，嚟到西菁街嘅常得馆，正宗湖南米线店。店员亲切有礼，餐厅座位宽阔，坐得舒适。我同朋友各自叫咗一碗米线，仲可以自制双拼。湖南麻辣牛肉米线 朋友唔系食得好辣，见到餐牌有三个辣椒，有少少吓亲，所以点咗少少辣。首先讲下汤底，极之入味同好香湖辣味，仲系多葱多蒜系列。汤底入边有木耳，生菜，牛肉系牛腩，连住啲根食落都好淋好易入口。自创麻辣五花腩米线汤底同朋友𠮶碗一样，店员同我哋讲，佢哋每日用新鲜猪骨熬制而成，真材实料。五花腩肥瘦适中，两碗嘅𩠌菜同餐牌图一样都有咁多，好抵食！