常得館湖南米線

营业中

休息中

依几日都持续落雨，天气凉凉地，拣左间食湖南米线既餐厅试一试，餐厅标榜食材由湖南直送，汤底每日用新鲜猪骨热制而成，写明绝无添加味精。环境似岩岩新开，干净企理，空间都算阔落，老板娘都几热情招待。自制泡椒肥肠米线（$68）老板娘推荐其中既招牌，汤底有独家秘制调料调味，肥肠配搭汤底鲜香麻辣，肥肠有时会怕洗得唔干净，但依度睇落都处理唔错，口感都几弹牙结实，肥而不腻，钟意食辣既朋友推荐一试。红烧肉丁米线（$58）红烧肉丁份量绝对有诚意，肉丁肥瘦比例刚刚好，肥瘦相间，汤底叫左唔辣，试一试汤底原汁原味，配料有木耳、花椒、蒜蓉、香葱等香料，味道香口惹味。冻奶茶热柠水