老長沙湘菜館 (已結業)

呢日同同事去佐敦买完野先番公司，咁就顺便喺呢头食埋饭，行过呢间餐厅比个名吸引，比起川菜我更爱湘菜，因为多用鲜椒黎烹饪冇咁热气同油腻😝佢既午市主打木桶饭，价钱实惠仲有汽水送，我见学生仲有七折优惠，好癫😳食完先知原来铜锣湾都有分店，以后lunch多个选择✌︎✌︎▪︎油炸花生米 $38💰呢碟系同事想食，我本身少食炸花生因为好热气，但食落个感觉又几好咸咸地好香脆唔油腻，最后愈食愈上瘾🤣▪︎檑椒茄子皮蛋 $68💰呢道菜系必叫，将啲烧过退左生味既青椒、蒸过而软淋既茄子再加上皮蛋同大蒜及其他调味既加持，成道菜好软烂而不失口感，送饭一流(っ˘ڡ˘ς)▪︎一碗香木桶饭 $59💰满满既𩠌菜上枱香气四溢，好有农家菜既感觉，味道咸香惹味非常可口，辣得好过瘾😋▪︎酸辣椒鸡肾木桶饭 $59💰大量配料同鸡肾一齐爆炒好难唔好食🤤鸡肾几大件加上配料一同食用口感丰富有嚼劲，酸辣开胃，餐厅米饭仲要系不限量架🫣