新匯聚打冷小廚 (已結業)

自从知道新汇聚即系昔日牛头角下邨名店「金利来」之后，一直都想再怀缅一下。父亲节当日尝试Walk-in碰碰运气，不果，唔紧要，今日再接再厉，终于得偿所愿。同前世情人，即系爸爸黎撑枱脚，一坐低爸爸即刻叫左枝大生，「得！够冻」，见佢饮得咁过瘾，本小姐都同佢啤啤啦。因为系爸爸埋单既关系，咁就由佢发办啦。话明系打冷小厨，点都要叫番个卤水野捧下场啦，怕卤水鹅片鞋口，所以叫左个卤水鹅肉，中规中矩，同出面d潮洲打冷店无分别，但特别一赞系有两款小吃，花生同豆腐系底，送酒一流。食肉兽爸爸爱吃肉，第二样𩠌点左蜜糖薯仔牛柳粒，一上枱已经闻到阵香味。你一旧我一旧，不知不觉间我地两父女已经夹晒D牛柳粒，剩番成碟薯仔，但系冇问题，原来薯仔先系成碟𩠌既精萃，薯仔整得够淋，蜜糖既甜味同黑椒既惹味充份溶入，无得弹。最后一样系本店招牌菜，芝麻鸡。芝麻街本小姐就识姐，芝麻鸡真系第一次听，即管睇下你咩料。炸到金黄色既外皮上铺满芝麻，果然，唔系流，坚系脆卜卜。「囡，似唔似煎堆丫？」，似，仲系一款识得散发住鸡油香既煎堆，正到唔识形容。食饱举手叫埋单既时候，姐姐话咪住，有椰汁糕送。哗，系今时今日酒楼都唔再送糖水既时候，一间小菜餐馆竟