影片
更多
2024-06-10
137 浏览
由于男友屋企系潮州人，时不时会听到佢讲啊婆细个会煮好多唔同潮州菜佢食，所以我对潮州菜充满住好奇，今日带佢嚟回味儿时滋味。一坐低，店员会好细心咁上几杯功夫茶，系传统老茶叶，非常清香。清炖荷包鳝荷包鳝经过慢煮再用菜叶包裹住放入汤熬煮，鳝嘅肉质好软嫩，外皮仲有啲烟韧。菜叶味道清新又唔会盖过蟮嘅味道，汤嘅味道浓得嚟色泽颇清，真系名符其实嘅功夫菜。钟意鲜味同饮汤嘅朋友记得要打电话预订，否则就好似我哋咁撞彩仲有可以叫到，太感动。鹅三宝拼盘包括咗鹅肝、鹅肉、鹅肠，潮州菜最出名系卤水，我哋就紧系要试下呢度正宗嘅味道。鹅肉连皮切片口感软滑，鹅味突出，卤水嘅调味亦唔会过咸。鹅肝十分考功夫，一般容易处理得过老，不过呢度嘅师傅手法纯熟，肝应该用了慢煮方式煮过，口感非常滑嫩，正！鹅肠处理得十分干净，冇任何多余嘅脂肪残留，既清爽又入味👍禾香鸽呢道菜十分特别，喺乳鸽入面酿咗啲已经炒香咗嘅糯米饭入去，再经酥炸，炸嘅火候啱啱好，乳鸽皮超级脆，但糯米饭又唔会吸哂啲油，整道菜都处理得好balance 。梅汁炆猪手猪手用咗焖煮嘅方式煨得非常软绵绵，加上梅子汁煮到好入味，酸甜味道突出，好啱下饭。份量亦十分多，好啱大班人shar
由于男友屋企系潮州人，时不时会听到佢讲啊婆细个会煮好多唔同潮州菜佢食，所以我对潮州菜充满住好奇，今日带佢嚟回味儿时滋味。
一坐低，店员会好细心咁上几杯功夫茶，系传统老茶叶，非常清香。
清炖荷包鳝
荷包鳝经过慢煮再用菜叶包裹住放入汤熬煮，鳝嘅肉质好软嫩，外皮仲有啲烟韧。菜叶味道清新又唔会盖过蟮嘅味道，汤嘅味道浓得嚟色泽颇清，真系名符其实嘅功夫菜。钟意鲜味同饮汤嘅朋友记得要打电话预订，否则就好似我哋咁撞彩仲有可以叫到，太感动。
鹅三宝
拼盘包括咗鹅肝、鹅肉、鹅肠，潮州菜最出名系卤水，我哋就紧系要试下呢度正宗嘅味道。鹅肉连皮切片口感软滑，鹅味突出，卤水嘅调味亦唔会过咸。鹅肝十分考功夫，一般容易处理得过老，不过呢度嘅师傅手法纯熟，肝应该用了慢煮方式煮过，口感非常滑嫩，正！鹅肠处理得十分干净，冇任何多余嘅脂肪残留，既清爽又入味👍
禾香鸽
呢道菜十分特别，喺乳鸽入面酿咗啲已经炒香咗嘅糯米饭入去，再经酥炸，炸嘅火候啱啱好，乳鸽皮超级脆，但糯米饭又唔会吸哂啲油，整道菜都处理得好balance 。
梅汁炆猪手
猪手用咗焖煮嘅方式煨得非常软绵绵，加上梅子汁煮到好入味，酸甜味道突出，好啱下饭。份量亦十分多，好啱大班人share。
汕头煎蚝烙
肥美嘅蚝非常鲜甜，用咗面糊包裹煎到十分酥脆。点上特调嘅汁酱一齐食好夹，啖啖都食到大量蚝肉，越食越过瘾，都系份量十足，每人食左三大块，够哂满足！
糖醋煎面
食潮州菜点少得呢道传统主食，两面黄可以点砂糖同红醋食，多层口感，煎面饼亦唔会太油，师傅制作得啱啱好，手法正宗。
老药桔
味道十分浓，够哂陈年味道，可以清清油腻感同清热气，推介俾大家👍
张贴
