陳儀興飯店 (嘉悅)

营业中

休息中

好耐無食潮州菜呢間位於將軍澳南嘅潮州菜館，平時行過都見到有好多人排隊，今日因為慶祝弟弟生日，特登排隊排咗半個鐘都要嚟試下。鹵水拼盤：非常入味，唔會太鹹，材料方面樣樣都有啲：雞蛋、生腸、大腸、紅腸、腩肉、豬耳等等，係一個好開胃嘅頭盤蠔餅：平時去潮州菜館，好驚會食到一啲超厚粉嘅蠔餅，但呢個蠔餅嘅粉只係薄薄一層，咬落去嘅時候食到淡淡蠔肉，第二度唔係咁容易食到好食嘅蠔餅傳統反沙芋：出面食到嘅反沙芋已經買少見少，陳儀興呢個處理得非常出色，糖粉入口即溶，芋頭外皮炸得非常之脆，裏面就係軟綿綿好香嘅芋頭，非常之好食整體嚟講雖然係好食，但價錢都唔算平，如果節日或者有慶祝可以考慮再來。