炭家 (已結業)

今日收工去食咗间正宗炭火烧烤日式料理(炭家)，餐厅所有串烧都系炭火即烧，还有好多食物材都是日本进口～ 仲可以一路隔住个玻璃屏幕欣赏师傅炭烧嘅功力，又唔会有油烟味👍🏻鳗鱼重：套餐内有蒲烧鳗鱼，茶碗蒸，鳗鱼冻，日式清汤和白饭。茶碗蒸好滑，蛋香味浓，配上清甜高汤，中间仲有啲鳗鱼同香菇。鳗鱼冻非常特别，将鳗鱼造成啫喱，口感特别，爽脆得来又鲜味，配上酸甜嘅酱汁好清新开胃。鳗鱼烧到好香，食落有炭香味🤩，火候控制得啱啱好，烧到好靓；肉质非常嫩滑鲜美，都几厚身，肉质唔会好淋好肥，偏向结实有咬口有弹性～搭配热气腾腾的米饭，香气满满，加上鳗鱼酱汁咸甜比例适中～配上日式清汤仲可以整成鳗鱼茶渍饭😍月见鸡肉棒：卖相好吸引，鸡肉棒外皮以酱汁烧香，外面香脆焦香，内里系软滑鸡肉，再沾上日本生鸡蛋同特制酱汁，蛋味香浓，剩返嘅蛋浆加酱汁仲可以捞饭食😋总结餐厅全部以高质素食材为主，有正宗日式风味之余，又结合左中环酒吧嘅特色，职员服务态度非常贴心，会主动推介菜式同食材，值得推荐大家来尝试。