紅雞

营业中

休息中

之前一直食开「李家炸鸡」, 但最近识左位行内人, 话红鸡个recipe 再正宗同接近韩国d, 见佢介绍左几次, 咁啱经过又唔洗排队, 就同朋友入左去试试。叫左个无骨既「半半炸鸡」同埋「芝士蛋卷」。「半半炸鸡」点左甜辣酱+秘制蒜香酱，甜辣酱就咁都已经闻到肉桂味，呢个调味料应该算系炸鸡中少有? 而秘制蒜香酱除左有蒜味之外，仲有d 蜜糖味，整个味道都几特别，唔系一般的蒜香酱，我同友人都比较钟意呢个味！至于肉质方面真系要赞一赞，鸡肉好嫩，而且咬落去仲有鸡汁吱出黎！可以想像到嫩滑既程度，单系呢个位，已经令我地想再返黎食。芝士蛋卷则不过不失，蛋卷偏甜，但芝士十分香浓。表面吱满沙律酱同木鱼干，单系貌相就已经好丰富。虽然如此，但木鱼既味道好似同蛋卷唔系太夹，又或者系甜蛋卷同芝士木鱼既配搭唔夹? 反正就系有d 怪，但又唔会话系唔好食果种。总括黎讲，红鸡的炸鸡的确做得唔错，而且环境比较舒适，枱与枱之间也保有距离，如果想同朋友倾下计，呢个都系唔错既选择。