渝川菜館

营业中

休息中

妹子爱吃辣，是个川菜迷，闲时会约一班辣友一齐试菜。虽然近年香港愈开愈多川菜馆，但呢间喺厦门街唔起眼嘅渝川会所，多年来都系我辣瘾发作时嘅必然选择。渝川会所系按人头收费，所以有时约唔齐辣友时，两个人都照样会去食，但人多的话，就可以点多几味𩠌啦！不过两个人食都唔错㗎，可以点两个凉菜，三个主菜，仲会附送一碟炒菜，都真系几满足㗎！我每次必点嘅系酸菜鱼，唔好睇佢一D都唔红，以为佢一定唔辣，事实上汤内嘅花椒、泡椒，令佢阴D阴D咁辣，但又非常过瘾。汤底好好饮，但又一D都唔油，而鱼肉又滑又唔腥，食到最后先食D粉丝，入哂味，超正！最钟意呢间菜馆嘅地方系，水煮、酸菜系列系可以添食㗎，啱哂大胃王朋友。多人一齐食嘅时候，我一定会提早预订定蟹，因为佢嘅重庆香辣蟹真系食过番寻味，而且非常大份，虽然每只蟹要额外加钱，但有买开𩠌嘅就知，咁嘅价钱有咁大只肉蟹仲帮你煮埋，感觉非常抵！另外一味我几钟意嘅热菜系虎皮青椒，比起其他肉类，可能唔系一个「抵食」嘅选择，但呢碟完全唔起眼嘅尖椒，竟然系出奇地好食，一入口，系充满住屋企永远都煮唔到嘅镬气味，加上咸淡得宜嘅调味，系多人食时我一定会点嘅一道菜。多年前曾经因为工作关系，去咗重庆几