新泰東南亞餐廳

营业中

休息中

老实讲，我真系好钟意食泰国菜㗎，尤其是今日专登喺尖沙咀附近揾食，其实附近都有好多好好食嘅泰国菜，今次就嚟咗呢一间比较多好平嘅新泰东南亚餐厅。一入到去门口，就已经发觉装修好有泰国feel，有一架笃笃喺门口，真系好似去咗泰国啊!餐厅里面啲座位都好宽松，都坐得好舒服，星期一夜晚食晚餐都几爆下，建议提前book位。见到个餐牌发觉好多嘢都好想食，但系泰国嘢都好大碟，所以就拣今日最想食嘅几个𩠌同大家分享吓。第一个系马拉盏炒通菜，我谂好多钟意食泰国嘢嘅人都系必点之一，啲马拉盏都几够啦，啲通菜都好新鲜，分量都系算正常，两个人食都食得晒。跟住呢个真系重点推介啦，系椰青沙冰啊，唔系到到都有得饮，好似系呢间餐厅嘅出名餐饮之一，我发觉里面嘅椰青味都好足够融晒入去啲沙冰里面，钟意食椰青嘅朋友一定要点啊。然后就到个面包焗咖喱软壳蟹，啲面包焗得几松脆，啲软壳蟹都好好食，个咖喱唔算太辣，如果怕辣嘅朋友都可以点㗎。最后就系呢一个越式烧春鸡酿香茅黄饭，哗呢个真系喜出望外啊，只烧春鸡好大好香，重点系里面啲香茅黄饭，哗真系好好食配合埋个汁，简直系天衣无缝，我觉得呢一个鸡真系要食，都见到在场好多人都有点。