水門雞飯 (萬勤商業大廈)

营业中

休息中

今天公司清假难得约到尖沙咀返工嘅朋友食饭，平时甚少来该区食中午，一时间想唔到食乜好，朋友就话食开依间介绍我试试。十二点前来到仲未开门已见十多人排队，街道狭窄人流多，排队都有点阻碍途人排得唔自在，幸好排了一阵十二点准时开门。餐牌上选择唔算多，有午市套餐供应，套餐包汤和饮品，价钱唔贵在该区而言相当抵食。而且难得食到咁正宗泰式地道风味，CP值甚高，难怪十二点入座后好快已满座。鸡骨汤好似饮紧胡椒猪肚汤，汤里头剩系放了片冬瓜，饮落好重胡椒味可以驱寒醒胃，天气冻饮就好正，汤味道唔咸清清地无乜油，唔错唔错。水门鸡饭(转鸡脾) $72招牌菜一定要食，朋友识食补多十蚊转做鸡脾，夹左佢两件鸡食又真系几好味。鸡肉起左骨食落啖啖肉，鸡皮薄无乜脂肪，肉质嫩滑细致有鸡味。鸡油饭份量唔多可要求加饭，饭粒粒分明口感烟韧，但略为干身油香味无咁浓，食落清清地无乜油腻感，食都食得健康！泰式猪手饭 $62猪手我至爱，皮肉都好入味好软身，而且食落唔系好油腻，又系无骨啖啖肉相当好味，同样都系配鸡油饭，几有水准。泰式奶茶 +$5有二十多款选择，当中以泰式奶茶比较突出，有红茶香味饮落几滑，味道浓少少偏甜几好饮。