影片
更多
2014-04-17
17393 浏览
久仰呢度既大名已久，是晚襯家人生日「搵藉口」黎幫襯。book位既過程尚算容易，可能因為閒日既關係人唔係太多，所以七點半入座既時候餐廳只係半滿左右。由於大部份人都唔太肚餓既關係，我地一行五個人只係叫左個$1080既四人餐再加多個泡菜餅同埋一碟雞肉就算。野食上枱既速度都算快，一開始先送上八小碟。呢幾小碟同一般香港既韓國餐廳食到既唔同，簡單D講就好似「大長今」裏面既一樣，雖然都唔係D乜野特別貴價食材，但入口既感覺十分清新，唔覺唔覺食完一啖又一啖真係非常開胃！牛肋肉方面既presentation亦都同平時食開既好唔同。上枱既時候係將佢地一層層好似摺被咁放埋一齊，然後由侍應將佢攤返開再將佢切開一舊舊。入口第一啖既感覺非常特別，肉既質素固然係中上之選，但最特別既係佢只係「係咁易」做過少少調味，更能突出肉既鮮味，正！帶子方面只係一般般。上碟既時候雖然好似壽司店既帆立貝咁大，但燒完之後一如所料縮水縮到一般中式酒樓既海鮮size。Anyway，入口感覺尚算鮮甜，建議下次煮既時候只係隨便「辣兩辣」就好上碟，如果唔係真係熟到好難消化。韓式炒粉絲︰炒得非常夠鑊氣，雖然無可避免落油份量方面好似重左少少，但都可以
牛肋肉方面既presentation亦都同平時食開既好唔同。上枱既時候係將佢地一層層好似摺被咁放埋一齊，然後由侍應將佢攤返開再將佢切開一舊舊。入口第一啖既感覺非常特別，肉既質素固然係中上之選，但最特別既係佢只係「係咁易」做過少少調味，更能突出肉既鮮味，正！
帶子方面只係一般般。上碟既時候雖然好似壽司店既帆立貝咁大，但燒完之後一如所料縮水縮到一般中式酒樓既海鮮size。Anyway，入口感覺尚算鮮甜，建議下次煮既時候只係隨便「辣兩辣」就好上碟，如果唔係真係熟到好難消化。
韓式炒粉絲︰炒得非常夠鑊氣，雖然無可避免落油份量方面好似重左少少，但都可以接受。不過要批評既係D餸實在太少喇！即使由貴價既牛肉換成較為平價既豬肉，但份量仍然少得可憐，好似食齋炒粉絲咁！
牛肩肉方面只係好一般。由於完全無落調味料「無添加」既關係，雖然可以食到牛肉既鮮味，但咁樣反而令到牛本身既羶味更加出，有點弄巧反拙，如果可以求其用鹽整一整會更加好食。
泡菜餅方面可以算係比較特別既一個item。顧名思義，即係用韓式泡菜放埋一齊再煎成餅狀，整體感覺就好似潮州酒樓食既煎蠔餅咁，只係因為冇用粉炸既關係會有少少散開咁，非常有特色絕對係必試之算！
韓式海鮮湯既料落得非常足，除左成隻蟹放左落去之外，更加落左兩隻大蝦、豆腐同埋「一籃子」既蔬菜，絕對係誠意之選。不過湯既份量實在太細，四個人連三份一碗都分唔到，再加上實在辣得有點過份，如果遇着幾個大食既人真係唔多夠喉。
雞脾肉只係好一般，俾我既感覺係求其拎幾舊肉擺上枱就算。雞肉完全無切過不特止，叫侍應幫我地整佢地竟然只係俾左把挍剪我地就走左去，要三摧四請先肯幫我地同佢分屍，呢度要扣少少分。雖然係咁，雞肉既「無添加」反而可以突出肉既味道，算佢啦！
石窩豚肉飯︰記住呢個item係食到尾聲既時候先會自動送上枱。Again，份量少得可憐，四個人每人只係分到幾啖淺嚐。整體感覺只係好一般，毫無特別可言。
柚子茶︰走之前侍應為每人送上一碗柚子茶。雖然同平時飲開既味道有少少唔同，但感覺到應該係正宗韓式既出品，清新之餘又唔會太過甜「喧賓奪主」搶走左柚子既味道，非常特別！
整體黎講呢度既食物質素都尚算OK，特別係肉既質素，反而其他唔係燒既item既質素只係一般般。另外唔知係咪侍應人數真係唔係好夠，食到中後半段既時候開始叫極都無人黎，希望餐廳可以喺呢方面改善下咁就very good喇！
张贴
