影片
更多
2024-04-15
75 浏览
呢间小店系主打自家制饺子，主打正宗山东口味，调味较北方，我自己几钟意呢种简易调味。平日收工时间７点打后就开始多人，唔想排队记得早小小去。墨鱼荸荠煎饺 (5只) 💰$38呢个都可以讲系佢地舖头几signature既一款饺子。饺子皮系加左新鲜墨鱼汁，几有噱头。荸荠即系马蹄，加左入饺子个口感系几好，但我以为会有马蹄既清甜点知唔系好出就有小小可惜。😟墨鱼都弹牙既，但调味有小小单一。整体而言系好食既，但就唔系好大惊喜。京葱羊肉煎饺 (5只) 💰$34 呢个相反我就好钟意。我本身都系一个好惊膻既人，又唔钟意食葱惊个草青味，点知呢两样结合左我会OK !🤩平时我都无食开羊，除左羊肉串加左好多香料外，其他基本上系煮既我都唔得。以前有试过回教果种羊肉饺子膻到呀妈都唔认得，之后我都几抗拒羊肉饺子，因为好难做得好～但呢间真系要赞下，佢羊肉一Ｄ都唔膻，又好多汁好JUICE，葱无草青味，觉得佢系点晴出羊肉既肉香。如果唔系抗拒食羊，纯粹惊膻而唔食既人，真系推荐可以试下！～鲜肉韮菜饺 配汤 (7只) 💰$46煮饺佢有2款，10只果个系无汤既，因为北方食饺子系真系就咁清水煮饺，干食。我叫呢款就7只，系汤入面，可以饮埋个
墨鱼荸荠煎饺 (5只) 💰$38
呢个都可以讲系佢地舖头几signature既一款饺子。饺子皮系加左新鲜墨鱼汁，几有噱头。
荸荠即系马蹄，加左入饺子个口感系几好，但我以为会有马蹄既清甜点知唔系好出就有小小可惜。😟
墨鱼都弹牙既，但调味有小小单一。
整体而言系好食既，但就唔系好大惊喜。
京葱羊肉煎饺 (5只) 💰$34
呢个相反我就好钟意。我本身都系一个好惊膻既人，又唔钟意食葱惊个草青味，点知呢两样结合左我会OK !🤩
平时我都无食开羊，除左羊肉串加左好多香料外，其他基本上系煮既我都唔得。
以前有试过回教果种羊肉饺子膻到呀妈都唔认得，之后我都几抗拒羊肉饺子，因为好难做得好～
但呢间真系要赞下，佢羊肉一Ｄ都唔膻，又好多汁好JUICE，葱无草青味，觉得佢系点晴出羊肉既肉香。
如果唔系抗拒食羊，纯粹惊膻而唔食既人，真系推荐可以试下！～
鲜肉韮菜饺 配汤 (7只) 💰$46
煮饺佢有2款，10只果个系无汤既，因为北方食饺子系真系就咁清水煮饺，干食。
我叫呢款就7只，系汤入面，可以饮埋个汤。
个汤唔系好浓味果种，饮到淡淡类似鲨鱼猪骨汤既味，唔算鲜甜但都唔差。
反而个饺我就麻麻地，姜汁味太重，唔系好食到韮菜既香味。
京葱羊肉馅饼 (件) 💰$30
呢个其实系京葱羊肉煎饺既放大版。餐牌已经一早讲明需时20分钟，所以如果想试最好就一开始叫埋，唔系就有排等。
平时食完饺子等多阵就上呢个馅饼，好贴心一上就对半切开左。
虽然切开左，但食既时候都要小心Ｄ，因为佢真系爆汁！Ｄ汁多到好似食小笼包咁。外皮煎到好香脆～🤤
个馅应该系同羊肉饺子一样既，睇大家钟意食饺子版定馅饼版。
我觉得最大分别系个满足度同口感，如果想试小小可以食左饺子先～
鸡丝粉皮 💰$50
对于钟意食鸡丝粉皮既人，每个人心中都有自己钟意既酱，我自己钟意上海菜系既，有花生酱果种咸咸甜甜。
之前所讲，因为佢系北方口味，个酱就系用麻酱做，比较稀，食到芝麻香味。个鸡都撕得几大条，可以话系鸡柳。
我钟意食个皮多过鸡。
麻辣鱼皮 💰$38
呢个系menu到唔见，但我见到有张贴纸系墙到，好似几正又唔贵就试下。个鱼皮好爽口同脆身，一Ｄ都唔腥。
麻辣味就似出面买既麻辣辣椒油果种，小小麻辣味但唔算好辣。但就嫌Ｄ鱼皮有Ｄ碎，小小难夹。
张贴
