Alzina Spanish Asador (已結業)

喺香港，好食既西班牙餐厅真系唔多，过往食过好多次，不过每次印象都系一般，今次呢间系朋友特别推介，所以我去食下，点知又几好食，所以喺呢度特别写一写！餐厅好用西班牙风味，连侍应都非常之热情，好似置身于西班牙一样，打开餐单，全部菜式都非常之地道，我地点左几个侍应推介嘅食物。Tapas: 香蒜辣椒橄榄油煎海虾非常之香蒜蓉味，而且辣辣地，好惹味，而且海虾好弹牙，又多肉，煎得好香，好入味，呢一个海虾之所以咁入味，系因为加左龙虾汁，大大提升海虾既鲜味同味道。呢一个tapas 实属必点之选! 龙虾西班牙饭侍应介绍呢一个龙虾西班牙饭好特别，会比较多汤，同出面普通西班牙餐厅嘅西班牙饭好唔同，好地道，非常之特别。 龙虾唔算好大个只，但好鲜甜弹牙，个汤好香龙虾味，再加上香草味，非常浓郁！比起其他西班牙饭，我比较钟意呢只，因为多汤比较容易入口，无咁腻鲜榨橙汁好香甜，好清新，赞！整体食品同服务非常好，价格合理，简直揾唔到一个唔再去既理由！