影片
更多
2019-08-29
84 浏览
有一个秘密冇同大家讲过，就系小编H我其实中学嘅时候系西班牙留咗一个月咁耐。系个一个月入面，我有机会住咗系西班牙嘅寄宿家庭，又去咗三四个唔同嘅城市，所以对于西班牙菜嘅认识都好深，而且我知道正宗嘅西班牙菜喺香港亦都好难揾到。正正就系因为我嘅要求高，今晚我终于揾到一间符合心意嘅西班牙格调餐厅。店舖主打西班牙平民经常会食嘅Tapas，意思系一碟碟份量比较细嘅小食，最适合用嚟配酒，同朋友倾计，就算人少少都唔怕，相反仲可以叫好几款唔同嘅小食添！餐厅有分两种Tapas, hot & cold, 顾名思义就系冷盘同热盘。而且价钱仲好相宜，餐厅主理人希望将西班牙Tapas带到嚟香港，并且平民化，一般普罗大众都可以负担得到。薄切慢煮八爪鱼作为头盘，呢个真系无得输，上枱嘅时候就知道餐厅连只碟都有预先摆入雪柜雪冻，希望八爪鱼用最好嘅温度呈现。八爪鱼配上橄榄油，再加少少香草同埋秘制酱汁作调味，既清新又开胃。血橙烧牛柳沙律新奇士橙就食得多，血橙真系第一次食。将橙切左薄薄一片，就会见到完美嘅圆形，而且系深红色嘅橙肉。烧牛柳好嫩滑，餐厅用上靓嘅牛扒，而且烹煮时间啱啱好。沙律面头舖满咗脆片，口感上简直系一个享受。西班牙
有一个秘密冇同大家讲过，就系小编H我其实中学嘅时候系西班牙留咗一个月咁耐。系个一个月入面，我有机会住咗系西班牙嘅寄宿家庭，又去咗三四个唔同嘅城市，所以对于西班牙菜嘅认识都好深，而且我知道正宗嘅西班牙菜喺香港亦都好难揾到。正正就系因为我嘅要求高，今晚我终于揾到一间符合心意嘅西班牙格调餐厅。店舖主打西班牙平民经常会食嘅Tapas，意思系一碟碟份量比较细嘅小食，最适合用嚟配酒，同朋友倾计，就算人少少都唔怕，相反仲可以叫好几款唔同嘅小食添！餐厅有分两种Tapas, hot & cold, 顾名思义就系冷盘同热盘。而且价钱仲好相宜，餐厅主理人希望将西班牙Tapas带到嚟香港，并且平民化，一般普罗大众都可以负担得到。
薄切慢煮八爪鱼
作为头盘，呢个真系无得输，上枱嘅时候就知道餐厅连只碟都有预先摆入雪柜雪冻，希望八爪鱼用最好嘅温度呈现。八爪鱼配上橄榄油，再加少少香草同埋秘制酱汁作调味，既清新又开胃。
血橙烧牛柳沙律
新奇士橙就食得多，血橙真系第一次食。将橙切左薄薄一片，就会见到完美嘅圆形，而且系深红色嘅橙肉。烧牛柳好嫩滑，餐厅用上靓嘅牛扒，而且烹煮时间啱啱好。沙律面头舖满咗脆片，口感上简直系一个享受。
西班牙薯仔蛋饼
到我最最最钟意嘅热盘，可以堪称西班牙国粹嘅西班牙蛋饼！基本上就同香港嘅蒸水蛋一样，每个屋企都一定会识煮。但呢个薯仔蛋饼同出面嘅有少少唔同，因为切开中间系流心嘅😍首先佢系一个perfect circle,对于有强迫症嘅我来讲系好重要😂蛋饼中间系蛋浆混和薯仔粒既流心馅料，蛋皮薄得黎又唔会过老。上面加埋忌廉成个口感就好细滑，食多几啖都唔会觉得好肥腻，完全颠覆左我对蛋饼嘅概念🤤
巴塞隆拿式烤红虾
呢个红虾又系我最钟意嘅菜之一。五只都有我手掌咁大嘅size，经过高温烤焗，虾嘅外壳变得好脆。虾肉好弹牙，配埋香草同埋个source真系一绝。
嫩煎鸭胸伴甜些厘酒汁
呢间餐厅嘅主菜同样都好出色，百几蚊嘅价钱就可以食到高级餐厅水准嘅煎鸭胸，啖啖肉仲要有两旧手板咁长嘅鸭胸，你哋话边度可以揾到性价比咁高嘅餐厅？鸭胸皮煎到脆口，切开鸭胸就会见到厚厚嘅肉，配埋甜甜地嘅些厘酒汁，一咸一甜为味蕾带来冲击！
炸西班牙油条配朱古力酱
我平时好少食甜品，呢一个炸西班牙油条就决定无论几饱都要一试。听个名好似好普通，但如果见过制造过程就知道要整一条西班牙油条其实系需要特别嘅机器去制造。虽然餐厅冇呢部机，但大厨不计成本咁样由西班牙直接订货，在空运返嚟香港，但系佢冇将价钱转嫁比消费者，继续维持宗旨将价钱平民化。一咬落口松脆到不得了，再加埋肉桂砂糖同埋朱古力酱，一大啖咬既时候食到好香嘅玉桂味，同时都维持西班牙嘅原汁原味—因为西班牙嘅国民都好钟意食甜野🥳
有机会大家真系要来铜锣湾试一试，支持一下好有心经营嘅小店，而且地点距离地铁站大约5分钟路程，全部都系平路，好容易揾到🥰
张贴
