碗碗香 (已結業)

今次同朋友嚟到呢一间碗碗香食正宗贵林牛肉粉，大厨同侍应都系以乡下话沟通，感觉够地道。同朋友两个人叫咗红油牛肉粉（微辣）同清汤牛肉粉配两杯苦丁茶。首先试咗清汤汤底，汤底加左花椒粉同胡椒粉，所以即使唔系食麻辣汤底，依然会有舌头麻痹嘅感觉（注：麻辣的麻味来自花椒，辣味来自辣椒），清汤得来又唔会太清淡。至于红油汤底，汤底落咗辣椒油，呢个就辣味比较重而无麻味，同时亦落左酸菜，识落酸酸辣辣，非常开胃，如果钟意酸味较重嘅人可以要求加酸菜！两碗牛肉粉都用左牛腩同牛肉片作为配料，两者肥瘦适中，肉质非常软嫩，份量都够多。而米粉比较粗身，粗幼度同乌冬差唔多，食落够滑溜弹牙！如果食到觉得好辣，可以饮苦丁茶，有清热下火嘅功效，饮完的确非常解辣。