河內越式料理 (西洋菜南街)

营业中

休息中

今日去咗食越南嘢，呢間有好多唔同種類嘅粉麵、飯，亦有小菜見到個餐單有蕃茄湯底，毫不猶豫想試吓，所以我哋先輕輕叫咗順化蕃茄蟹肉扎肉湯檬。呢個蕃茄湯底果然好有驚喜！有芫荽嘅味道、新鮮嘅蕃茄，湯底亦有大量嘅肉粒，好豐富好有口感，而且好鮮甜～同蟹肉同扎肉好匹配！另外當然就要叫極品牛三寶湯河粉，湯底入落口好舒服，順滑而且濃郁，有充足嘅牛肉味道。三寶有牛丸、牛腱、同埋生牛肉我最鍾意食啲生牛肉，好鬆化，而且有牛肉味跟餐可以加配小食，我哋叫咗個蝦餅，蝦餅彈牙爽口，熱辣辣跟住叫多兩杯嘢飲蜜糖柑桔冰，好滋潤鮮芒果西米露，夏天嘅感覺！