第一郡 (已結業)

蟹膏番茄汤檬粉 70汤底好鲜甜，加上蟹膏嘅鲜味，同蕃茄嘅酸甜好夹，好推介大家试下。牛腩炖蔬菜 55配上法包，可以点汁食，但系个汁太甜，而且牛腩唔够软腍。越式法包 40 好正宗，有肝酱、扎肉同酸萝卜，法包好香脆，味道酸甜开胃。牛油果软包 33牛油果份量好足，个包比法包软身，更加啱我口味。冻滴滴咖啡 28好出色，香浓得来完全冇苦涩味，仲有淡淡果香 。牛油果沙冰 30用牛油果同牛奶打成，好足料，唔会太甜。斑斓绿豆糕 13香甜软滑，要早啲来先有，好快卖哂。