越一越南牛肉粉專門店 (已結業)

今日嚟到荃湾，口干干，想食碗越南粉，见到月一，即刻口水都流晒，适逢食饭时间都颇多人，但系好快服务员就揾到个位俾我啦，坐落又舒服，作为一个打工仔揾到一个舒服嘅地方享受午餐，简直系人生一大喜事啊。食越南粉，就梗系要叫返个火车头啦，因为佢除咗有生牛肉同熟牛肉之外，仲会有两粒牛丸，同埋牛柏叶，啱晒我呢种有选择恐惧症嘅人啦。生牛肉上到枱都仲系鲜红色架，我真系要嗱嗱临，要放佢入汤嘅中间将佢整熟，熟咗之后啱啱好，唔会鞋口，好鲜嫩，佢嘅牛丸真系唔错，好弹牙，而且唔会食到有雪藏嘅气味，而且有好浓烈嘅牛肉味，食得出系真材实料架。而且最紧要系佢嘅汤，佢个汤先甜，而且唔会好龙未，果然够晒正宗啊。我仲加咗一个泰式凤爪架，凤爪份量好多，而且最紧要嘅系已经去晒骨，酸酸辣辣，而且够晒冰冻，份外开胃呀。