第一郡 (已結業)

几年前喺深水埗食过一次觉得平靓正，而加喺港岛都有得食。餐厅位置都几难揾，但星期三晚黎到都有坐满一半。可惜当日八点左右，所有甜品、椰子水同米纸卷都卖哂，令人失望。越式法包香港食过一间系又硬又干，但依到就做到外脆内软，咸香札肉配上腌萝卜丝，食落酸酸甜甜，十分开胃。朋友第一次食都话比想像中美味，值得推介。蟹膏蕃茄汤檬粉另外加左份蟹膏，食到甘香，蟹味浓郁。汤底清甜，唔会抢左蟹膏嘅味道。顺化牛展米线店员推介嘅，但个人就觉得普通。因香港食牛粉面出色嘅店舖太多，相比下唔算特别出色，猪手亦唔够腍。牛油果沙冰依杯系我喺香港饮过最好饮嘅牛油果沙冰，因为我好怕饮到碎冰粒，依杯依系milkshake多过smoothie,同我自己整嘅味道一样，饮得出好足料。