影片
更多
2023-05-29
1054 浏览
第一郡 Q1 Vietnamese Breads & Desserts 📍深水埗荔枝角道315号地舖朋友呢日请咗假陪我，佢朋友推介咗一间越南小店俾佢，佢想同我一齐试下用哋嘅法包，所以我哋就喺下午茶时段过咗去食。餐厅门面无咩特别嘅装修，两边墙用白板笔写满菜式同价钱，仲有几幅画做装饰。用餐位置系放满折台同圆櫈，大约有8张台，唔算特别多位，感觉亦比较地道。我哋喺近4点嘅时间去食嘅，估唔到入去嘅时候系得两三位食客，到食饱走嘅时候已经有好几组食客排紧队等候入座，大部分都系附近嘅街坊或学生，感觉上好受欢迎。 💰$50越式法包 🥖我未去过越南，但有喺缅甸食过一次越式法包同河粉，我可以讲呢度嘅法包有过之而无不及，佢真系好好食，好足料！我哋拣嘅系一个杂锦法包，里面有腩肉、扎肉、肉松、酸菜、青瓜、芫荽、葱同肝酱，每咬一啖都可能食到唔同食材嘅组合，每咬一啖都系唔同嘅滋味！青瓜、芫荽同葱好新鲜，可以食到好清新嘅蔬菜味。三款嘅肉类各有特色，腩肉半肥瘦，望落白雪雪但腌料味好香；扎肉爽口弹牙，食落有淡淡肉香；肉松同一般食开嘅唔同，口感脆脆哋，三种之中我最钟意佢！最后就系主角法包，大大嚿唔会过硬，外脆内软，超级推介大
📍深水埗荔枝角道315号地舖
朋友呢日请咗假陪我，佢朋友推介咗一间越南小店俾佢，佢想同我一齐试下用哋嘅法包，所以我哋就喺下午茶时段过咗去食。餐厅门面无咩特别嘅装修，两边墙用白板笔写满菜式同价钱，仲有几幅画做装饰。用餐位置系放满折台同圆櫈，大约有8张台，唔算特别多位，感觉亦比较地道。
我哋喺近4点嘅时间去食嘅，估唔到入去嘅时候系得两三位食客，到食饱走嘅时候已经有好几组食客排紧队等候入座，大部分都系附近嘅街坊或学生，感觉上好受欢迎。
[价钱 Price]
💰$50
越式法包 🥖
我未去过越南，但有喺缅甸食过一次越式法包同河粉，我可以讲呢度嘅法包有过之而无不及，佢真系好好食，好足料！我哋拣嘅系一个杂锦法包，里面有腩肉、扎肉、肉松、酸菜、青瓜、芫荽、葱同肝酱，每咬一啖都可能食到唔同食材嘅组合，每咬一啖都系唔同嘅滋味！青瓜、芫荽同葱好新鲜，可以食到好清新嘅蔬菜味。三款嘅肉类各有特色，腩肉半肥瘦，望落白雪雪但腌料味好香；扎肉爽口弹牙，食落有淡淡肉香；肉松同一般食开嘅唔同，口感脆脆哋，三种之中我最钟意佢！最后就系主角法包，大大嚿唔会过硬，外脆内软，超级推介大家一试！
[价钱 Price]
💰$22
米纸虾卷 🦐
22蚊有两条米纸虾卷，每条入面都卷住檬粉、虾、猪肉、香菜同生菜，配埋有少少似麻酱嘅homemade sauce，真系好清新呀！
[价钱 Price]
💰$35
芒果糯米卷 🥭
芒果糯米糍就食得多，芒果糯米卷我就真系第一次啦。佢嘅糯米皮唔粉唔厚，非常烟韧软Q，最重要系无面粉味，令一向唔太钟意食糯米类甜品嘅我都食得好滋味！一大块嘅芒果非常香甜，既无渣又厚肉，对得住呢个价钱有突！
张贴
