廚十三老壇酸菜魚 (D2 Place ONE) (已結業)

系香港都食到正宗嘅酸菜鱼！今日同屋企人黎到荔枝角嘅厨十三食酸菜鱼，系唔少闹市都有佢嘅分店。听闻店铺老板系爱吃酸菜鱼之人，专门研究酸菜鱼嘅地道做作，怪唔之得系疫情中嘅午市时段仍然有唔少人黎一尝酸菜鱼。我地点咗小份嘅酸菜鱼，足够俾2个人享用，亦都加咗唔少配菜，例如粉丝、青荀片、木耳、藕片、金菇、芽菜等等。结果一上菜就吓亲我地，因为真系好大盆，令人难以想像土豪份会有几大！辣度可以自选，要唔辣都得，我地试咗小辣，汤底用咗红椒、泡椒、麻椒等等黎烹调，非常开胃。鱼肉无骨，十分方便，而且口感滑嫩，惹味十足。酸菜更加令酸菜鱼锦上添花，酸咸味令人食指大动。碧绿脆荀，即系青荀片，切成薄片，非常爽脆。酥炸无脸男，即系炸肉丝，依间餐厅有唔少菜式都有非常有意思嘅菜名架。香口得黎，一啲都唔油腻，作为小菜一流。