十二味 X Bamboo Bar (德己立街)

营业中

休息中

朋友话带我食香港版嘅太二，就系中环呢间十二味个酸菜鱼。一坐低，店员就会好热情甘同我哋介绍返用app落单。我哋叫咗一个人见人爱酸菜鱼，一上枱个卖相真系同太二无分别，好足料，好多旧鱼，超多酸菜，麻椒，藤椒。试咗一啖个汤底，一入口个酸味好突出，酸菜酸may may，一啖又一啖吾停口，同朋友即刻嗌左一人一个白饭。个人觉得同太二都有九成相似，好有惊喜。干煸肥肠，有一个细心位，就系可以拣辣度同少盐，我哋就叫咗少辣同少盐。肥肠一上枱，锅香味十足，本来我都怕会太肥太油腻，但真系无后悔叫呢个，肥肠炸得好干身，外面层皮系比较脆口，入面就仲保留返肥肠嘅软林口感，成旧肥肠完全被啲酱料包裹住，咸辣度啱啱好，一定要试呢个。