好味來正宗重慶美食 (已結業)

由于工作关系，平日中午时份经常会响尖沙咀打趸，基本上呢区大部分嘅餐厅都试过。所以，今日终于下定决心响OpenRice度揾下有无啲新开嘅店，见呢间无乜食评，虽然唔系食辣嘢嘅超级fans，结果都同另一个唔食辣嘅朋友胆粗粗一齐去试吓。一如所料，斋睇过门面就知道系新开入面装修简约，有一种家庭式小店的味道我自己叫左个手撕鸡面(小辣), 朋友叫左个猪什面(走辣), 再叫左一客红油抄手(小小辣)大家share, 另加2个饮品。味道唔错，可能系地道人处理嘅关系，同我之前响重庆食嘅味道基本上无分别，另外红油抄手有好多只，而且皮薄，扺食。老实讲，埋单价钱一啲都唔贵，值得推介俾大家嘅一间家庭式小店。