渝人碼頭 (已結業)

究竟咩叫真正嘅重庆火锅?!咪就系成个锅底由重庆飞到你面前啰～呢间渝人火锅，正正就系用重庆直送嘅火锅汤底，所以辣嘅程度同香味都好呛好多~今日拣咗嘅系鸳鸯锅一边系重庆麻辣，另人边系日本松茸汤底。首先讲一讲个松茸汤底，汤落冇味精，好清好浓菇味，当一个汤嚟饮系绝对正确。而两小碟嘅花生都好值得一试，辣味非常之劲，好野味。新鲜白鳝，好弹牙好爽口。寛条木薯粉，食麻辣一定要食呢个木薯粉，痴晒啲麻辣味喺啲粉入面，食到出晒汗咁，真系好满足~贵妃蚌，爽口，配埋麻辣食可以增加鲜甜味。手打虾滑，好弹牙虾嘅味道都比较重。手打墨鱼滑，墨鱼味道都ok，起胶都做得唔错。黑糖糍粑，糍粑系店长推介，我个人觉得系必食，咬落外脆又热辣辣入面又好烟韧，加埋黑糖粉同黑糖酱，下次再嚟要食两碟。