雲魅 (已結業)

平时食米线系成碗煮熟晒咁上枱，但呢间系旺角主打正宗云南过桥米线嘅云魅系比个砂锅你，再加好多细细碟嘅配料，靠滚汤嘅热力慢慢煮熟，有得食又有得玩😆每张枱都有个指示牌教你要先将肉类同鹌鹑蛋一啲比较难熟嘅配料放入砂锅，然后放蔬菜类，最后先放米线，食几多落几多过桥米线有四款，今次试咗香格里拉豪华配料($128)包括鲍鱼、带子、凤尾虾、虫草花、鹌鹑蛋、竹笙、酥肉、炸酱、响铃同芫茜葱，配肥牛、七彩面同香辣汤，七彩面面质比米线较为腍，清彻鸡汤加入秘制香辣汤料，冬天食更加暖粒粒云魅红烧肉饭($78)有惊喜，估唔到小菜都几好食，红烧肉色泽金黄，见到都流晒口水，而且肥瘦均匀，入口软嫩多汁，甜而不腻，送饭一流