影片
更多
2021-04-22
1183 浏览
呢间系旺角嘅云南米线餐厅唔系行谭仔或者港式米线路线，而系行精致路线，凭住九宫格嘅配料俘虏咗唔少人嘅❤️，今次我都有机会嚟打下卡，试下正宗云南过桥米线见识下正宗云南过桥米线系点嘅先😗呢度装修都有少少云南嘅民族feel，仲播住一啲有地道风情嘅音乐，好有feel😂Signature嘅过桥米线系用咗一个大大个好深嘅锅装住啲滚汤，配料同面就分开上，俾你可以逐样嘢自己落再浸热啲配料，感觉好玩啲，仲有个牌教你落配料嘅次序。过桥米线（云魅老坛酸菜汤、七彩面、昆明风味配料、猪腩片）米线嘅汤底有辣有唔辣，几款可以选择，配料盒都有3款风味可以拣，简单啲或者豪华啲嘅配料都有，面底都可以拣七彩面或者米线，肉类就可以拣肥牛或者猪腩片。我今次就拣咗招牌嘅酸菜汤底、最简单嘅昆明风味配料、猪腩片同七彩面。个汤底落咗好多酸菜可以配埋啲配料同面一齐食，个汤酸度啱啱好，酸菜味好香，带微微辣味，就算就咁饮几啖都几好。面条属于比较幼身嘅一种，七彩颜色🌈啱晒打卡，食落好滑溜。配料方面比一般港式嘅米线舖多啲选择，有鹌春蛋、响铃、芫茜葱、午餐肉、酥肉、番茄仔、粟米、豆腐同埋炸酱，当中个炸酱做得几出色😋😋，食到有好香嘅豆味，连埋面条同酸菜
过桥米线（云魅老坛酸菜汤、七彩面、昆明风味配料、猪腩片）
米线嘅汤底有辣有唔辣，几款可以选择，配料盒都有3款风味可以拣，简单啲或者豪华啲嘅配料都有，面底都可以拣七彩面或者米线，肉类就可以拣肥牛或者猪腩片。我今次就拣咗招牌嘅酸菜汤底、最简单嘅昆明风味配料、猪腩片同七彩面。个汤底落咗好多酸菜可以配埋啲配料同面一齐食，个汤酸度啱啱好，酸菜味好香，带微微辣味，就算就咁饮几啖都几好。面条属于比较幼身嘅一种，七彩颜色🌈啱晒打卡，食落好滑溜。配料方面比一般港式嘅米线舖多啲选择，有鹌春蛋、响铃、芫茜葱、午餐肉、酥肉、番茄仔、粟米、豆腐同埋炸酱，当中个炸酱做得几出色😋😋，食到有好香嘅豆味，连埋面条同酸菜食好满足。
云魅酸菜拌饭
另一样主食就叫咗呢个酸菜拌饭，系同类型嘅餐厅都系第一次见，大大碟炒饭炒得好香口👍🏻，夹杂咗好多酸菜，带点爽口嘅口感，调味都啱啱好，食到酸菜香又唔会好重口味。
云魅凉菜拼盘（云魅手撕鬼鸡、凉拌黑木耳、凉拌莴笋丝）
呢个凉菜拼盘可以试匀3款小食，木耳酸酸咪咪几爽口，鸡丝带少少麻香，鸡肉算几滑，唔错，个莴笋丝几有惊喜，面头好多花生碎增添浓浓花生香，莴笋本身都好清爽🤩🤩
南瓜饼
最后叫咗个南瓜饼做甜品，口感烟烟靱靱，甜甜地，如果甜度可以再低少少就更正喇😗😗
人均消费：$120
推介指数（10分为满分）：8分
张贴
