The Hwaduk (已結業)

同朋友行完书展，行完七点半钟，之前知道利园附近开平道Cubus新开有d高质餐厅。我地两个人想食韩国野，于是就试下21楼既The Hwaduk食韩国炸鸡。上到去，餐厅装潢不错，好有气氛，高层可以俯瞰铜锣湾景色，晚上好适合同朋友king计聚旧，唔会太嘈。睇返餐牌，佢以烤鸡同烤pizza为主，价钱尼讲同平时质素有返咁上下既餐厅差不多。我地叫左个无酒蓝莓梅桑格利亚味道有d似利宾立。水果蜜桃热茶，蜜桃味很淡，入口甘甜。前菜有腌嘅白萝卜，酸甜酸甜好开胃! 主菜叫左个烤鸡配年糕同海鲜汤乌冬。 烤出尼既鸡肉好嫩好滑，亦都保持到佢既肉汁锁住系里面，味道唔错，因为保持到肉质咁鲜嫩。全程可以戴住手套，唔洗整污糟手指。海鲜汤乌冬材料新鲜有青口大虾。份量刚刚好，不会太饱，仲有，餐厅嘅侍应系韩国人，不过非常有礼貌。