大尚宮

营业中

休息中

估唔到荔枝角呢度咁多嘢食，拣咗呢间韩国餐厅试下，食后发觉有质素好味道。食物种类都好多选择，最后叫咗个韩式粉丝，熔岩泡菜炒饭，配埋番石榴茶同菊花圆肉茶。佢嘅便当仲有唔同嘅配菜，两款食物都好好食，个人就比较钟意食韩式粉丝，粉丝煮得非常之烟韧qq，而且佢嘅调味啱啱好有，唔会太咸，其他材料（例如牛肉，紫菜，萝卜丝，菠菜等等）夹埋粉丝食又有不同口感，味道丰富，正宗好滋味！至于熔岩泡菜炒饭其实都好食，份量十足，泡菜唔会太咸太辣，味道一流又开胃，炒饭当然好食啦，加上泡菜口味就更岩食，表面铺满一堆紫菜同芝麻，味道更加升华，好食！再加埋两杯饮品好味道又健康，甜甜地又清香，今餐真系好满意！